ஆனைமலை ரோடு ரயில் நிலையத்தில் திருச்செந்தூர் ரயில் நின்று செல்லும்

பொள்ளாச்சி அடுத்துள்ள, ஆனைமலை ரோடு ரயில்வே ஸ்டேஷனில், இன்று (24ம் தேதி) முதல் திருச்செந்துார்- பாலக்காடு ரயில் நின்று செல்லும் என அறிவிக்கப்பட்டுள்ளது.

அதன்படி இன்று, 24ம் தேதி முதல், பாலக்காடு - திருச்செந்துார் ரயில் (எண்,16731) காலை, 6:04 மணிக்கு, ஆனைமலை ரோடு ஸ்டேஷனில் ஒரு நிமிடம் நின்று செல்லும்; மறு மார்க்கத்தில், திருச்செந்துார் - பாலக்காடு ரயில் (எண், 16732) இரவு, 8:51 மணிக்கு நின்று செல்லும், என, பாலக்காடு கோட்ட நிர்வாகம் அறிவித்துள்ளது.

திருச்செந்துாரிலிருந்து மதியம், 12.05 மணிக்குப் புறப்பட்டு, இரவு 10.30 மணிக்கு பாலக்காடு சென்றடைகிறது. மறுமார்க்கத்தில், அதிகாலை 4.55 மணிக்கு பாலக்காட்டில் புறப்பட்டு, மாலை, 3.45 மணிக்கு திருச்செந்துார் சென்றடைகிறது.