சமீபத்திய செய்திகள்

10/recent/ticker-posts

ஓகா / கோயம்புத்தூர் 🔄 ராமேசுவரம் ரெயில்களின் சேவையில் மாற்றம் : ரயில்வே நிர்வாகம் அறிவிப்பு

பாம்பன் ரயில் பாலத்தில் ஜூலை 14ம் தேதி வரை ரயில் போக்குவரத்து ரத்து செய்யப்பட்டுள்ளது. இதன் காரணமாக ராமேசுவரம் செல்லும் ரயில்களின் சேவையில் மாற்றம் செய்யப்பட்டு வருகிறது.

அந்த வகையில் தற்போது கோயம்புத்தூர் 🔄 ராமேசுவரம் மற்றும் ஓகா 🔄 ராமேசுவரம் ஆகிய இரண்டு வாராந்திர ரயில்களின் சேவைகளில் மாற்றம் செய்யப்பட்டுள்ளது. அதன் விவரம் பின்வருமாறு ;

கோவையில் இருந்து இன்று(ஜூலை 5) இரவு 7:45க்கு புறப்படும், வண்டி எண் 06618 கோயம்புத்தூர் ➡️ ராமேசுவரம் வாராந்திர சிறப்பு ரயில், மண்டபம் - ராமேசுவரம் ரயில் நிலையங்களுக்கு இடையே இயங்காது.

ராமேசுவரத்தில் இருந்து நாளை(ஜூலை 5) இரவு 7:25க்கு புறப்படவுள்ள வண்டி எண் 06617 ராமேசுவரம் ➡️ கோயம்புத்தூர் சிறப்பு ரயில், மண்டபம் ரயில் நிலையத்தில் இருந்து புறப்படும். 

ஓகா ரயில் நிலையத்தில் இருந்து நாளை(ஜூலை 6) புறப்பட்டு, ஜூலை 8ம் தேதி ராமேசுவரம் வந்து சேர வேண்டிய வண்டி எண் 06734 ஓகா ➡️ ராமேசுவரம் சிறப்பு ரயில், மண்டபம் ரயில் நிலையம் வரை மட்டுமே செல்லும்.

ராமேசுவரத்தில் இருந்து ஜூலை 9ம் தேதி புறப்படவுள்ள வண்டி எண் 06733 ராமேசுவரம் ➡️ ஓகா சிறப்பு ரயில், மண்டபம் ரயில் நிலையத்தில் இருந்து புறப்படும்.

மேற்கொண்ட தகவலை தெற்கு ரயில்வே வெளியிட்டுள்ள செய்தி குறிப்பில் தெரிவித்துள்ளது.