ஓமலூர் - மெச்சேரி சாலை ரயில் நிலையங்களுக்கு இடையே புதிதாக அமைக்கப்பட்ட இரண்டாவது ரயில் பாதையில் சோதனை ஓட்டம் : பொது மக்களுக்கு தெற்கு ரயில்வே எச்சரிக்கை

சேலம் - மேட்டூர் அணை பிரிவில் உள்ள ஓமலூர் - மெச்சேரி சாலை ரயில் நிலையங்களுக்கு இடையே புதிதாக அமைக்கப்பட்ட இரண்டாவது அகல பாதை ரயில் பாதையை 25.02.2021(வியாழக்கிழமை) ரயில்வே பாதுகாப்பு ஆணையர் ஆய்வு செய்யவுள்ளார்.

இந்த ஆய்வின் போது ரயில்வே பாதுகாப்பு ஆணையர் ஓமலூர் - மெச்சேரி சாலை ரயில் நிலையங்களுக்கு இடையே ஒரு சிறப்பு ரயில் அமைப்பைப் பயன்படுத்தி அதிவேக சோதனை ஓட்டத்தை நடத்துவார். அதனை தொடர்ந்து அதிவேக சோதனை ஓட்டம் பிற்பகல் 2 மணியிலிருந்து மாலை 5 மணிக்குள் நடைபெறும்.

அது சமயம் ஓமலூர் - மேச்சேரி சாலை ரயில் நிலையங்களுக்கு இடையில் உள்ள ரயில் பாதைகளுக்கு அருகிலேயே வசிக்கும் மக்கள், ரயில் பாதைகளை அணுகவோ அல்லது மீறவோ கூடாது என்று எச்சரிக்கப்படுகிறார்கள்.