கடந்த நான்கு மாதங்களில், நாடு முழுவதும் கொரோனா வைரஸால் அமல்படுத்தப்பட்டுள்ள ஊரடங்கின் பல்வேறு கட்டங்களில் இருந்தபோது, கடிதங்கள், பில்கள், அலுவலக ஆர்டர்கள், திட்ட வரைபடங்கள் மற்றும் நான்கு லட்சத்துக்கும் மேற்பட்ட கோப்புகள் போன்ற 12 லட்சத்துக்கும் மேற்பட்ட ஆவணங்களை ரயில்வே டிஜிட்டல் மயமாக்கியுள்ளது.

டிஜிட்டல் நடவடிக்கையின் மூலம் அதிகாரிகளுக்கிடையேயான உடல் தொடர்பை மட்டுமல்லாது செயல்பாட்டு செலவுகளையும் குறைக்கிறது.

தொற்றுநோய் நாட்டைத் தாக்கியதில் இருந்து ரயில்வேயின் மின் அலுவலகத்தின் பயன்பாடு பன்மடங்கு அதிகரித்துள்ளது. 2019 மார்ச் மாதத்தில் இந்த ஆண்டு மார்ச் வரையிலான ரசீதுகள் 4.5 லட்சமாக இருந்த நிலையில், இந்த ஆண்டு ஏப்ரல் முதல் ஜூலை வரை 16.5 லட்சமாக அதிகரித்துள்ளது. இ-கோப்புகளின் எண்ணிக்கை முறையே 1.3 லட்சத்திலிருந்து 5.4 லட்சமாக அதிகரித்தது.

ரெயில்டெல் வழங்கிய மின்-அலுவலக தளம் என்பது தேசிய தகவல் மையம் (என்ஐசி) உருவாக்கிய கிளவுட் மென்பொருளாகும். மேலும் அலுவலக கோப்புகள் மற்றும் ஆவணங்களைக் கையாளும் நம்பகமான, திறமையான மற்றும் பயனுள்ள வழிகளை வழங்குவதை நோக்கமாகக் கொண்டுள்ளது.

“இ-ஆஃபீஸ் கிடைப்பதால், ரயில்வேயில் பெரும்பாலான கோப்பு வேலைகள் அலுவலகங்களில் உடல் தொடர்பு இல்லாமல் சுமூகமாக தொடர முடியும். கொரோனா போன்ற நெருக்கடி காலங்களில் இது ஒரு வரப்பிரசாதமாகும்” என்று ரெயில்டெல் சிஎம்டி, புனித் சாவ்லா தெரிவித்துள்ளார்.