இந்நிறுவனம் மூலம் முன்பதிவு செய்பவர்கள் விதிமுறைகளை ஒரு முறை முழுமையாக படித்து கொள்ளவும்.

உறுதிப்படுத்தப்பட்ட ரயில் டிக்கெட்டை ரத்து செய்யும் சமயத்தில் பிடித்தம் செய்யப்படும் தொகை மூலம் உங்கள் பணம் அனைத்தும் வீணடிக்கப்படுகிறது. இறுதி நேரத்தில் உறுதிப்படுத்தப்பட்ட டிக்கெட்டுகளை ரத்து செய்யும் போது ரயில்வே உங்களுக்கு எந்த பணத்தையும் திருப்பித் தராது. ஆனால் இப்போது டிக்கெட்டை ரத்து செய்த பிறகும், நீங்கள் முழு பணத்தையும் திரும்பப் பெறலாம். 

பெங்களூருவில் செயல்பட்டு வரும் Confirmtkt நிறுவனம், உறுதிப்படுத்தப்பட்ட டிக்கெட்டில் முழு பணத்தையும் திருப்பித் தரத் திட்டத்தை துவங்கியுள்ளது. இந்த தளத்திலிருந்து பெறப்படும் டிக்கெடுகளுக்கு பணத்தைத் திரும்பப் பெறும் வசதியைத் தொடங்கியுள்ளது. இந்த தளத்திலிருந்து ரயில் டிக்கெட் எடுக்கும்போது வாடிக்கையாளர்கள் இலவச-ரத்து பாதுகாப்புக்கான விருப்பத்தை தேர்வு செய்யலாம். எந்தவொரு வாடிக்கையாளரும் ரயிலில் இருந்து புறப்படுவதற்கு நான்கு மணி நேரத்திற்கு முன்னர் தங்களது டிக்கெட்டை ரத்து செய்யலாம் என்று இந்நிறுவனம் கூறுகிறது. இதற்கு முழு பணம் வாடிக்கையாளர்களுக்கு திருப்பித் தரப்படுகிறது.

ரயில்வேயில் இருக்கும் முன்பதிவு அமைப்பில் வரைபட அடிப்படையிலான தொழில்நுட்பத்தை Confirmtkt பயன்படுத்துகிறது என்று நிறுவன அதிகாரிகள் கூறுகின்றனர். இதன் காரணமாக, ரயிலில் காலியாக கிடக்கும் இருக்கைகள் குறித்த தகவல்களை வாடிக்கையாளருக்கு உடனடியாக கிடைக்கச் செய்யலாம். இந்த தொழில்நுட்பத்தின் காரணமாக, ரயில் கிளம்பும் ஒரு மணி நேரத்திற்கு முன்பே டிக்கெட் வாங்க முடியும் என்று நிறுவனம் கூறுகிறது.

Confirmtkt தற்போது தனது சேவைகளை பெங்களூரில் தொடங்கியுள்ளது. இந்த தளத்தில் இதுவரை சுமார் 50 லட்சம் வாடிக்கையாளர்கள் பயனடைந்துள்ளனர். இந்த தளம் தமிழ் உட்பட 7 மொழிகளில் தனது சேவைகளை வழங்கி வருகிறது.