Looking For Anything Specific?

ஒரே நேரத்தில் 426 டிக்கெட்கள் முன்பதிவு? - ஏஜென்ட்டின் செயலால் ரயில்வே அதிகாரிகள் அதிர்ச்சி !


அகமதாபாத்தை சேர்ந்த ரயில் பயண டிக்கெட் ஏஜென்ட்டான மோசின் இலியாசபெய் ஜெலியவாலா, ஒரு சில நிமிடங்களிலேயே 11.17 லட்சம் ரூபாய் மதிப்பிலான மொத்தம் 426 பயண டிக்கெட்களை புக் செய்துள்ளதை அறிந்து ரயில்வே அதிகாரிகள் அதிர்ச்சியடைந்துள்ளனர்.
ஜெலியவாலா. எப்படி இப்படி 400-க்கும் மேற்பட்ட டிக்கெட்டுகளை பதிவு செய்ய முடிந்தது என்று ரயில்வே போலீஸார் தீவிர விசாரணை மேற்கொண்டனர். அதில், டிக்கெட் முன்பதிவுக்கு பயன்படும் பல்வேறு மென்பொருள்களை அவர் சட்டவிரோதமாக பயன்படுத்தி வந்துள்ளார் என்பதும், பல தனிப்பட்ட அடையாள எண்கள் உள்ளிட்ட விவரங்களை கொண்டு, ஒரே நேரத்தில் இவ்வளவு டிக்கெட்களையும் அவர் முன்பதிவு செய்துள்ளார் என்பதும் தெரிய வந்துள்ளது.

அவர் பதிவு செய்துள்ள 426 டிக்கெட்களில் 139 டிக்கெட்களுக்கு உரியவர்கள், இன்னும் பயணம் மேற்கொள்ளவில்லை என்பதும் விசாரணையில் கண்டறியப்பட்டது. இதையடுத்து, இ்ந்த டிக்கெட்களை தடை செய்த அதிகாரிகள், இதுதொடர்பாக, ஜெலியவாலா மூலம் பயண டிக்கெட் பெற்றவர்களில், தொலைபேசி எண் கிடைக்கப் பெற்றவர்களுக்கு மட்டும் தகவல் தெரிவித்துள்ளனர்